الله يرحمك يا بوي

أخــوانـي... خـواتـي ..... تحـــيــة عطــــرة....




حصــل مـوقـف فـي حيــاتـي كـان له تـأثـير كــبير فـي داخـلي
المـوقف صـار مع والــدي رحـمة الله.. وأمـــوات المســلمين

.. كان والـدي رحمة الله عليه شـيخ كبيـر مـاله الا راتـب التـقاعد مصـدر الـرزق الرئيسي لنـا
مــرت عليــنا أيــام اشتــدت الحالــة المعــيشــية عـلينــا... بسـبب بنيـان بيـت العـمر
وكـان وضـع والدي "رحمة الله عليه" يـرثـى لـه... مـن جـهة انهُ مصــدر الـرزق الـوحيـد لأسرتـه و.كـان يـصـعب عليـة يشـوف احـد فيـنا نـاقصـه شـي ولا يحـرك سـاكن
ومن جـهة انـهُ إنســان مستـعفـف يصعـب عليـة مسـألـة النـاس... ولكـن الحـمد لله كنـا متعــاونيـن ومقـدريـن الحـالـة اللي يمـر فيـها الـوالد رحمه الله... في ذات يـوم صحـيت من نـومي عطشانة .. وأنا في طـريقي للمطـبخ مـريت على غـرفـة والـدي ولاحظـت النــور
مضيء...مـا هي من الـعـادة.. !!
وشــفـيه أبـوي عسـى مـا شر يـارب استــر عسـى خيـر.. ليكــون السكـر ارتفـع عليـة..؟ ولا ليكـون ولا يكـون.. ولا.. ولا...أعوذ بلله من إبليس... قـام فكـري يـروح ويجي ..خفـت على أبوي وش صـاير..؟
من غيـر شعـور لقيـت نفـسي عـند البـاب لقيـته مـردود..مـديـت يـدي طـليت بنـص عيـن مـن طـرف البـاب
لقـيـت أبوي جـالس عـلى طـرف السـريـر ومنكــس راسـه ينـاظر الأرض وذهــنـه شــارد... وأمــي تـربـت عـلى كتـفـه وأسمعـها تقـول لـه [مهــونه يا رجل ربـك كــريـم ومن هالحيـن لذاك الحيـن بيســر الأمـور] وش صـاير ..؟.. في شـي استجـد أكيد ..لكـن وشهـو..؟؟
مــر آخر أسبــوع مـن الدراسـة .. وجـات الصيـفـية..مـر هـذا الأسـبـوع وكـان حـال أبـوي غـريب
قـاتـم وجــهه من الهــم اللي حـمله فـي قلـبه ولا علمـنا عليـة ولا نـدري عنـه...
وفـي يـوم صحـيت على أصــوات نـاس اسمعـها في الصـالـة... وأقـوم وافتـح باب غرفــتي وأسمـع التـرحيـب والتحفـي .وأسمـع صـوت أبـوي يرحــب ويهــلي....ونـاظر لقيت ضــيـوف..يؤؤؤ هـذول اقــارب لنــا..ياللــــه مــن زمــــان عنـهم مـن سنـيـن مـاشفـنـاهـم..ونــاس كـان لهـم مـواقف طيـبه مـع الـوالد..كـان أبـوي دايـم يـذكر لنـا مـواقفـهم بالخـير..أكيــد أبـوي فـرحـان بشـوفتهـم...لكــني أشــوف ابتســامتـه وفـرحـته الـمـرسـومـة علـى وجـهـه متصـنعـه..... !!
أيه أيه متصنــعه...لأني أشـوف وجـه أبـوي شـااحب..ياربي وش فيـه أبـوي....
كـانت السـاعة عشـر الصـباح واستأذنـوا ضـيوفنـا بعـد ما تقهـوو يـرتـاحـون من عنـا السـفـر مـواصلـين يبـون يـريحـون الـين الغـداء... هنـا انـفـرد أبـوي مع أمــي بالمطــبخ ..وأنا معـهم حامله صـينـية القهـوا سمعـته يهمـس لأمــي وهـو يمسـح براحـة أيـديه ببعـض..[ ويـن ألاقـي احـد يسـلفـني وأكـــرم ضــيفـي يـا سـواد وجهـي.. ويـن يا أم محـمد القـي بـوجهـي بهـظـهريـة ..ادعي لي يا أم محـمد ] وأخـذت خطـاه تمشـي بتثـاقـل وهـو يقـول [اللهـم إني أعـوذ بكـ من غلبـة الـديـن..اللهـم إني أعـوذ بك من غلـبة الـدين ]..وأنا انـظر له وقـلبي يتقطـع علـية خفـت عـليه لا يـرتفـع عـليه السكـر مـن ثـقل الهـم اللي شـايله بقـلبه ويطـيح غشـيان ومحـد معـه.. ولسـان حـالي يـقـول يــآآرب كـون مـع أبـوي والطـف بحـاله..
حطـيت الصـينـية على الطـاوله وبسـرعـه اركـض ورا أبـوي وعــيونـي تتـابعه من بعـيد وهـو مـا يـدري.. وأنا أشـوفه ينـزل من بيـت الـدرج ..درجه درجه وكـأن بين درجـه ودرجـه ميـة سنـة..أكــيد ذهـنه شـارد... ويـن يروح ..؟ بـاب مـين يـدق...؟؟ الـين اختـفى عـن نـظري وصـل لباب الشـارع الرئيسي.. أنا ما ارتـحت مـازلت قـلقـانة عليه..أسـرعـت على البلكــون ولقـيته واقـف عنـد البـاب مـدنـق راسـة يمسـح وجـه بشمـاغه أو يمكـن يمسـح دمـوعـه..؟ ما ادري
رفـع نـظره يطـالع الـدنـيا هـالكـــون الــوســيع وهـو فـي حـال يكـاد يختـنق من ضـيقـتـها..واقـف ينـاظر يمـنا ويسـارا ..وكـأنه يقـول.. أي درب فـيه منـجاتي..؟؟ أي درب فيـه بيـاض وجـهي قـدام ضـيفـي..؟؟
وفي هالحـظـة رفـع والـدي نــظره لسمــاء ولمحـت بعـيـونـه لمعـة الدمعـة المخنوقــة رفـع يـديـنه لـرب العــلميـن وقــال[ يـــــــــــارب أكـــرمــني وبيــض وجــهي مـع ضــيفـي] فــوالله لم يكــد ينـزل يـدينـه إلا ونــــادا المنــادي..ياعم بو محـمد يا عـم بو محـمد.. ويلتـفت للصــوت الا هـو المسـتـأجر بيـده ظـرف ويمـده لبـوي ويـقول السمـوحه منـك يابو محمـد أبطيـت عليـك بالإيجـار لكـن كـانت ظـروف وربك سهـلهـا وهـذي 15 ألـف ..ويـرد عليـه أبـوي قال.. يابن الحلال خـلها عنـدك إذا باقي محتـاجهـا..ويمـد الـمستـأجر بـظرف ويحـطهـا بيـد أبـوي.. ويحـب راسه ويـروح..مـاكاد المستـأجر يغـيب عـن نـظر أبـوي إلا وخــــر ســاجدآ شكـــر لله... ورفع راسـه للسمـا وقال الحمــد لـك يــارب انـك تـرزق مـن تشـاء بغـير حسـاب.. وأقـول أنا بيـني وبيـن نفـسي .. [يا بـوي أنت صـبرت على المسـتاجر ولا طـالبتـه رغـم حـاجتـك. ومـا جـزاء الصـابرين إلا الأحسـان] وقـد تغـــير وجـهه من السـواد الشــاحب إلي ووجـه مسـفر يشـع نـور وفـرح وهـو ينـظر مـا بداخـل الظـرف..وشعـرت بـرغـبة قــويه بالســجود شكـر لله اللي لطـف بحال أبـوي..ويـرجع أدراجه يبشـر أمـي يا أم محمـد شـوفي كـيف ربـك كـريم رحيـم لطـيف بالحـال سبحــانه..
نعـــم سبحــانه عـز شــانه..سبحــانه الكـــريم المنــان الـواهب الـرزاق..العـفو الرحــيم

سبحان الله حين قـال.. {إنّ الله مَعَ الصّابِرينَ} [البقرة:153]. وقـال وقـوله الحـق{ ادعـوني استـجب لكـم}وقال تعــالى:: {اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً}[نوح :10ـ12].
إخواني خـواتي مـاذكـرت هـذي القـصة عبـث ..فـوالدي رحمـة الله عليه كان كثـير الاستغـفار ويـقـوم الليـل وصـبور وكان كـريم يعـطي المحتـاج وكـان في المجـلس خـير جـليس فقـد كـان محـبوب من الجـميع.فكـلما كـان العـبد قـريب من ربـه كـان الله قـريب منه وفـي حـديث قدسـي قال تعالى
{من تـقرب مني شـبر تقـربت منـه بــاع}

سبحــانك ربي مـا أعـظمـك .. سبحانك ربي ما أعظــمك

إخواني خـواتي أوصــيكم ونـفسـي بالدعــاء والاستــغـفـار وبذكـر الله تعالـى فـي كـل لحـظه


رجـــاء....ღ♥ღ

أرجـــو من يتكـرم ويمـر على صفحتـي هـذي أن يدعو لـوالـدي بالـرحمة ....غفـر الله لنا ولكـم


مــلاحــظـة....ღ♥ღ

لا يمنـــع ان تنــقـل .... ولكـن للأمـــانــة .... اذكــــر اسمـــي.... ورررده....ღ♥ღ

دوون ::: يـوم الخمـيس السـاعه 12 ليـلآ...بتـاريخ 25/11/1428 هـ



للأمانه الموضوع منقول لأني اعجبني ونقلته




منقول

موضوع رائع جداً تقبلى مرورى

اللهم ارحم جميع المسلمين والمسلمات الأحياء منهم والأموات

وجزاكي الله خير

مشكور على مرورك الرائع هذا