قصيدة بنت مات ابوها

بسم الله الرحمن الرحيم

شفت هذي القصيدة الحزينة باحد المنتديات وعجبتني :

مرت سنه يابوي من وقت فرقاك
وقلبي الى هاليوم شمسه عتيمه
مرت سنه فرقا وحسك وطرياك
متوسد باوراق حزني القديمه
مرت سنه وانا اتخضب بذكراك
بدموعي اللي في عيوني مقيمه
من عجلت في رحله الموت ممشاك
وانا حياتي ما لها اي قيمه
البارحه في غفله الليل اطراك
قلبي ونادت آهتين فصيمه
ومرت بعيني صورة ايام دنياك
واوقات كانت في حياتي عظيمه
ياما عطيت الناس من خير مااعطاك
ويا ما مسحت دموع ثكلي كليمه
وياما يمينك سابقت خير يسراك
حتى يدينك شبهوها بغيمه
يابوي بنتك دربها صار اشواك
ومعاد تمطر فارضها اي ديمه
واللي خبرته يحسب حساب يمناك
واشد ظهري فيه عند العزيمه
ما مداك بس تموت يابوي ممداك
الا وجا يهدي لعمري الهزيمه
وما بين غبنه ذاك وجروح هذاك
وفراق كلي منه روحي سقيمه
وهذا انا يابوي من بعد فرقاك
تذكار كنت وصار اسمي يتيمه

وربي يخليهم لنا يـــاارب و يعين اللي فقدهم

تحيتي لكم مع اطيب الامــــاني:
مديرة المنتدى

مشكورة على ها القصيدة الجميلة